當前位置: 首頁 > 快訊 > 港劇 > 《老表,你好嘢﹗》老外陳明恩 唱得演得又「廣」得 掂﹗

瀏覽歷史

《老表,你好嘢﹗》老外陳明恩 唱得演得又「廣」得 掂﹗
米米影視 / 2013-01-26
[] [] []

 《老表,你好嘢﹗》老外陳明恩 唱得演得又「廣」得 掂﹗

 

 

《老表,你好嘢﹗》已經成為不少市民茶餘飯後話題,好似被指引發中港矛盾,以及被投訴抹黑內地人等等,激發網民熱烈討論。撇除是非話題,其實套劇絕不Heavy,輕輕鬆鬆笑一餐,而且演員配搭新鮮。

 

除咗主角王祖藍﹑郭晉安﹑萬綺雯﹑王菀之及張繼聰,出奇地有火花兼合拍外,《老表,你好嘢﹗》嘅其他角色都幾多人談論,好似飾演祖藍兒時好友「細細粒」的肥妹小寶,呢排無啦啦紅咗,雖然佢係肥妹仔一名,但勝在可愛又搞笑,形象幾入屋。

 

至於劇中飾演王菀之好友嘅鬼妹仔(老外)「聶小茜」亦都唔弱,鬼妹仔(老外)原名叫陳明恩(Corinna),父親是新西蘭人﹑媽咪是澳洲人嘅Corinna, 但喺香港出生長大。佢個角色都好搶鏡,因為喺劇中經常無厘頭爆喊,畀王菀之飾演嘅吳芝晴話佢喊到似鬼叫,「聶小茜」就自嘲:「我係鬼妹,梗係喊得好似鬼叫﹗」

 

咪睇Corinna係鬼妹仔一名,佢啲廣東話字正腔圓,流利過唔少本地藝人,同已經離開電視圈嘅河國榮有得揮。查實2006年喺香港演藝學院畢業嘅Corinna,已經唔係第一次拍劇,之前佢拍過《絕代商驕》﹑《讀心神探》及《名媛望族》等,演出經驗豐富。

 

除咗演得之外,Corinna仲好唱得,佢喺演藝時主修音樂劇,音樂根柢同唱功都有返咁上下。Corinna曾經唱過張學友《愛是永恆》,又於2007年為天后林憶蓮演唱會任和音,亦試過同蘇永康合唱《來夜方長》,盡顯唱功,唱得好聽過唔少時下歌手,令人留下深刻印象。「聶小倩」捧紅咗王祖賢,未知Corinna飾演嘅「聶小茜」,會唔會又爆紅呢?

用戶評論

暫時還沒有任何用戶評論
用戶名: 匿名用戶
E-mail:
評價等級:
評論內容:
聯絡我們 | 公司簡介 | 運費試算 | 留言板

© 2005-2024 米米影視 版權所有,並保留所有權利。
E-mail: [email protected]

共執行 169 個查詢,用時 0.055946 秒,在線 249 人,Gzip 已禁用,佔用內存 7.009 MB


rss