《法網狙擊》由第二集開始出場嘅黃智雯演霸道潑辣嘅大肚雙非非常搶戲，而佢嘅對白，例如﹕「你哋香港人淨係識投訴，都冇啲包容。」、「你哋香港人真係冇素質(唔係質素)」、「你哋香港人好巴閉咩」、「我們都是中國人，要好好相處」、「我哋啲雙非BB係幫緊你哋香港，提供勞動力呀」……而鍾志光演嘅中介人安排雙非來港生仔，一味落足嘴頭話喺香港出世可領800萬福利，有15年免費教育等等等等，令香港觀眾聽落去真係不是味兒。

星期五一集黃智雯直頭喺醫院打邊爐，情節同上年底港媽控訴雙非孕婦喺私院打邊爐一樣，令內地網民睇完之後，更加不是味兒，有網民批評被抹黑：「熱烈譴責這部電視劇的導演與編劇，熱烈要求道歉」、「害群之馬那裡都有，這單元的確是有點針對性了」更有內地網友指劇集被廣電刪的好喎。